روشتة رمضانية .. تفضل بالدخول

روشتة رمضانية



كلنا يحتاج لروشتة لمعالجة ذاته والوقوف على تقصيرها
ولما كانت النفس لا الجسد مريض لزم علينا
وضع خطة أو روشتة
ولما كنا على أعتاب رمضان كانت الروشتة رمضانية
وأشهد الله إني كتبتها لنفسي أولاً
قبل أن تكون للآخرين ونسأله القبوروشتة رمضانية


كلمات سريعة أسكبها بقلمي وأكتبها لنفسى لعلها تفيق ليكون رمضان بداية حياة التزام

عليك يا نفسي بتلك الخطوات ::



الإخلاص لله


طبعاً عارفين إنك مخلص لله
أو هكذا تقول ولكن هل تحقق ذلك فعلاً؟!!

ساعات ممكن تعمل بعض الأعمال ظاهرها لله
وباطنها لخلق الله

وساعات تانية تعمل أعمال لله
ولكن أيضا لعبيد الملك ولا حول ولا قوة إلا بالله


طيب أعمل إيه ؟؟


هقولك..تعالى نجعل كل أعمالنا لله وحده يعني
قبل ما أعمل أي شئ هاحقق في نفسي


الإخلاص لله ..
وهاطرد من قلبي أي حد ممكن يكون العمل له
ليعجبه ويشيد بي من خلاله
عاوزين أول حاجة نعملها صلاة توبة
من الرياء والعجب والشرك الخفي بالله
اتفقنا ..



اتق الله فى جوارحك

أحيانا بتكون صايم بس لسانك مش صايم
وأوقات بتكون صايم بس عينك مش صايمه
والمفروض بتكون صايم بس الناس
لا تسلم من الأذى الصادر منك
هتقول أنا بسلى صيامي بمشاهدة التلفاز
أو بمكالمات تليفونية مليئة بالنميمة والغيبة
فهل هذا يعتبر صيام ؟
عاوزين نتفق إنى هاصوم صيام كامل وصيام صح
كل جوارحي تصوم
وكل ما يحاول أي حد يشغلني ويطلعني
من حالة الصيام بالمعاصي حتى لو كان الحد ده نفسك
لازم توقفه عند حده لازم تقول لنفسك وأقول لنفسي كفاية لهو

أتدرى والله لقد مات أناس قبل رمضان بأيام معدودة ولا يشتكون من شيء وها أنت تبلغ الشهر إن أراد لك الله
فياريت نصوم دائماً عن المعاصى حتى بعد رمضان اللي هتدرب نفسك فيه
يعنى كل مرة أخوتى فى الله نطلع من رمضان بهمة عالية سرعان ما تقل وتخف بعد رمضان
والعياذ بالله ..المرة دى هنجعل رمضان تدريب وبداية لما بعده إن شاء الله






صلاتي صلاتي

هل تخاف الملك ؟؟
هل تخشاه وترهبه ؟؟

أكيد هتقول نعم أرهبه بس سلوكك بيقول ساعات غير كده
يعنى سرعتك فى الصلاة
وتلفتك
وسرحانك
فى صلاتك مش بيقول كده؟؟!
طيب متزعلش ...
تعال نتوب ونرجع ...والله لو فكرنا ملياً
ستخشى الله لو تذكرت لحظات قبض روحك ووحشة القبر
صحيح لازم نحسن الظن بالله ..
بس اكتشفت إن حسن الظن ساعات بيجعلنا
يبقى عندنا اطمئنان ..
وغفلة وهذا هو الخطر بعينه

هنصلي بس لازم صلاتك تختلف تماماً ..
هتصلي وأنت بتخشاه
أتعرف لمن ستسجد ؟؟

اسأل السؤال ده لنفسك وإنت رايح تسجد
الإجابة سأسجد لله ...
إذا أتقن سجودك وتلاوتك وركوعك
ولما تخاف وتخشى الله أكيد هتخشع جداً لله




انقطع عن الدنيا مع كلام الله


تنكر إنك عاوز تختم القرآن كتير... ده شيء كويس
بس لا تفهم أحياناً كثيرة
كلام الملك؟ تقدر تنكر
طيب ..

إقرأ ولكن المرة دى هتقرأ بشكل مختلف
هتركز وتفهم كل آية
إنت عارف إن كل آية لم توجد هباء حاشا لله
خلاص لازم تعرف الآيات بتقول إيه ..
يا عبد الله ده كلام الملك مش أى حد
طيب أقولك على حاجة كويسة ::
هنعمل حاجة إسمها الكراسة القرآنية
كل آيه قرأتها أثرت فيك وأبكتك سواء أكانت
عذاب أو ترغيب
سجلها فى كراستك أوعى مش تسجلها ..
أول مرة... هتسجل مجموعة آيات
تانى مرة... الآيات هتزيد وهكذا ..
وبالطريقة دى هيزيد ارتباطك بكلام الله
تعال بعد رمضان خد الآيات اللي أثرت فيك
وطلع تفسيرها وبكده هيزيد أكتر ارتباطك
بكلام الملك الوهاب .



تلطف فى الدعوة

أحياناً بتنصح أى حد فى المسجد وبيطلع الكلام جامد
وأحياناً حد بينصحك فى المسجد وبتزعل جداً لنفسك
حتى لو كان كلامه صحيح
لأ تعال بقى نتناصح فى الله ومنزعلش ..كله بأجره
وفى نفس الوقت إياك وتجنب النصح فى الله ..كالخجل
أو الخوف ..فالأمر بالمعروف والنهى عن المنكر واجب
على كل مسلم
بس الأهم التلطف فى الدعوة



صدقـات سـر وعلـن


تصدق... إياك يوم يمر عليك دون أن تتصدق ..
مع تعديد النية
تصدق علناً لحث الأخرين على القدوة بك والتصدق مثلك
وسراً حتى تبتعد بنفسك عن الرياء والعياذ بالله
تصدق بصحتك فى خدمة إخوانك
وخاصة في الإعتكاف
وغيره ..وتصدق بعرضك لمن تكلم عنك
وتصدق بالنية إن لم تستطع التصدق بالمال
لكن حاول أن تتصدق ولو بالقليل ليبارك الله لك





عدد النوايا

كثير منا يغفل عن تعديد النوايا
وما يميز المسلم هو تعديد النوايا
وأنت فى بيتك نائم عدد نواياك فقد ينام أحد
ولا يعدد ولا يؤجر وقد يعدد أخر نوايا نومه
فى إعطاء الراحه لجسده ليتحمل القيام –صلاة القيام-
وغيرها من النوايا حتى طعامك اجعله للتقوى للصلاة والعبادة
اجعل نيه إعداده لإطعام الطعام وإحياء السنن
وطاعة لله وقضاء الحوائج
عدد النوايا ولا تغفل عنها



خطط وقتك


إياك والوقت المهدر استغل كل أوقاتك لله ولرضا الله
واجعل لنفسك جدول ومهام مثل ورد قرآنى بعد كل صلاة مثلاً





أنت وأهل بيتك وفي عملك

حاول تنشر الموضوع ده ..
وحاول توضح لكل اللي بتتعامل معاهم
أهمية الشهر الكريم وأهمية أن ترضي الله
وأهمية غلق التلفاز وأهمية الحفاظ على الجوارح
كاللسان من الكلام الذي لا ينفع
ادعوهم جميعاً بالرفق واللين

وفى النهاية ادعو الله أن يبلغنا ليلة القدر
بس اصدق مع الله طول الشهر ليبلغك ليلة القدر

ويحكى أحدهم أنه كان يصلي فقط الليالى الفردية ويترك الزوجية
ولم يدرك المسكين أن ربّ الأيام الفردية هو ربّ الأيام الزوجية
والتى جميعها بها عتق لمن رضيَّ عنه ..عفا الله عنا وعنكم جميعاً

وأخيراً عاوزين نرفع شعار تعالى نرضي الله فى هذا الشهر
حتى يعتقنا ويرحمنا ويغفر لنا




ونسألكم الدعاء